Niharika Konidela: ట్రోల్స్పై ఒక్కొక్కరు ఒక్కొక్కలాగా స్పందిస్తూ ఉంటారు. ముఖ్యంగా ఓ సెలబ్రిటీ స్థాయి వరకు ఎదిగిన తర్వాత, స్టార్ స్టేటస్ను సంపాదించుకున్న తర్వాత వారు ఏం చేసినా.. ట్రోల్స్ తప్పవు. కానీ వాటిపై ఎవరు, ఎలా స్పందిస్తారు అనేది మరిన్ని ట్రోల్స్కు దారితీస్తుంది. తాజాగా మెగా ప్రిన్సెస్ నిహారికా కొణిదెలపై వచ్చిన ట్రోలింగ్స్కు స్పందించిన తీరు అందరినీ ఆశ్చర్యపరుస్తోంది.
టాలీవుడ్లో మెగా హీరోల హవా నడుస్తూ ఉంటుంది. ఇప్పటివరకు మెగా హీరోలంతా ఒకరి తర్వాత ఒకరు ఎక్కువ హిట్లు అందుకున్నవారే. ఇండస్ట్రీలో వారిలో వారికే పోటీ ఉంటుంది. అయితే అంతమంది హీరోల మధ్య ఇండస్ట్రీకి పరిచయమయిన ఒకే ఒక్క హీరోయిన్ నిహారికా కొణిదెల. అయితే ఈ మెగా ప్రిన్సెస్ హీరోయిన్గా పరిచయమయినప్పటి నుండి తనకంటూ గుర్తింపు కోసం తపన పడుతూనే ఉంది.
‘ఒక మనసు’ సినిమాతో హీరోయిన్గా పరిచయమయ్యింది నిహారికా కొణిదెల. ఆ సినిమాలో నాగశౌర్యతో జతకట్టింది. మొదటి సినిమా కాబట్టి, అది కూడా అంత వెయిట్ ఉన్న క్యారెక్టర్ కాబట్టి హీరోయిన్గా నిహారికా కాస్త తడబడింది అన్న రివ్యూలు అప్పట్లో తెగ వైరల్ అయ్యాయి. అయితే తెలుగులో ఒక చిత్రం విడుదలయ్యి, అది కమర్షియల్ సక్సెస్ అవ్వకముందే తమిళంలో విజయ్ సేతుపతిలాంటి డెబ్యూ చేసే ఛాన్స్ కొట్టేసింది నిహారికా.
తమిళంలో నిహారికా నటించిన చిత్రం ‘ఒరు నల్ల నాళ్ పాతు సొల్రే’. ఇదే తన మొదటి, చివరి తమిళ చిత్రం కూడా. దీని తర్వాత తాను పలు తెలుగు సినిమాల్లోనే హీరోయిన్గా కనిపించింది. ఇక 2020లోనే తాను ప్రేమించిన చైతన్య జొన్నలగడ్డను పెళ్లి చేసుకొని పూర్తిగా సినిమాలకు దూరమయ్యింది నిహారికా. దాని తర్వాత హీరోయిన్గా కాకుండా నిర్మాతగా మారి వెబ్ సిరీస్లను తెరకెక్కించడం మొదలుపెట్టింది.
Also Read: https://www.sirimalli.com/divya-agarwal-breakup/
పెళ్లికి ముందు నుండి అయినా.. నిహారికా సోషల్ మీడియాలో చాలా యాక్టివ్. అయితే పెళ్లి తర్వాత నుండి సోషల్ మీడియాలో మరింత ఎక్కువ యాక్టివ్గా ఉండడం మొదలుపెట్టింది. తాజాగా తాను అప్లోడ్ చేసిన ఓ జిమ్ వీడియోపై ట్రోలింగ్స్ రావడంతో.. నిహారికా తన ఇన్స్టాగ్రామ్ అకౌంట్నే డిలీట్ చేసిందంటూ టాక్ వినిపిస్తోంది. లేక అది కాకుండా ఇంకేమైనా కారణం ఉండవచ్చేమో అని మరికొందరు అభిప్రాయం వ్యక్తం చేస్తున్నారు.