Horoscope Kumbha Raasi aquarius : శ్రీ ప్లవ నామ సంవత్సర కుంభరాశి ....

Horoscope Kumbha Raasi aquarius : 2021 – 2022 శ్రీ ప్లవ నామ సంవత్సర కుంభ రాశి (Horoscope Kumbha Raasi aquarius) ఫలాలు

ధనిష్ఠ 3,4 పాదములు లేదా శతభిషం 1,2,3,4 పాదములు లేదా పూర్వాభాద్ర 1,2,3,4 పాదములలో జన్మించినవారు కుంభరాశి కి చెందును.

శ్రీ ప్లవ నామ సంవత్సరంలో కుంభ రాశి వారికి ఆదాయం 14, వ్యయం – 14, రాజ పూజ్యం – 06, అవమానం – 01

పూర్వ పద్దతి లో కుంభ రాశి వారికి వచ్చిన శేష సంఖ్య “3”. ఇది శ్రీ ప్లవ నామ సంవత్సరంలో కుంభ రాశి వారికి ఎదురగు శారీరక మరియు మానసిక సమస్యలను సూచించుచున్నది.

కుంభరాశి వారికి శ్రీ ప్లవ నామ సంవత్సరంలో అనగా 13-ఏప్రిల్-2021 నుండి 01-ఏప్రిల్-2022 వరకు ఉన్న తెలుగు కాల మాన సంవత్సరంలో కూడా ఏలినాటి శని దశ ఉన్నది. శ్రీ ప్లవ నామ సంవత్సరంలో కుంభ రాశి వారికి గురు గ్రహం వలన ఈ సంవత్సర ప్రారంభం నుండి 19 నవంబర్ 2021 వరకు సంతానం వలన లేదా సంతాన విషయ ములక సమస్యలు, భాత్రు వర్గం వలన ఇబ్బందులు, మానసిక చికాకులు, వృధాగా ధన వ్యయం వంటి వ్యతిరేక ఫలితాలు ఏర్పడును. 20 నవంబర్ 2021 నుండి గురువు లగ్న స్థానములో ఉండుట వలన అతి చక్కటి అనుకూల ఫలితాలు పొందుతారు. జీవన విధానంలో ఆశించిన ఉన్నతి పొందుతారు. ఉద్యోగ జీవనం లోని వారికి కోరుకున్న విధంగా అనుకూల మార్పులు లభిస్తాయి. శరీర బరువు అదుపులో పెట్టుకోవలెను. నరముల లేదా మెదడు సంబంధిత అనారోగ్యలతో బాధ పడుతున్నవారికి ఆరోగ్యం మెరుగు పడుతుంది.

కుంభ రాశి(Horoscope Kumbha Raasi aquarius) వారికి శ్రీ ప్లవ నామ సంవత్సరంలో కూడా ఏలినాటి శని దశ ఉన్నది. శనైచ్చరుడు వ్యయ స్థానంలో ఉండుట వలన సంవత్సరం అంతా యోగించడు. కుంభ రాశి వారు శ్రీ ప్లవ నామ సంవత్సరం అంతా వాహనాల విషయంలో మిక్కిలి జాగ్రత్తగా ఉండవలెను. వీలైనంత వరకు ఈ సంవత్సరం అంతా సుదూర ప్రయాణాలు చేయకుండా ఉండుట మంచిది. వ్యాపార రంగం లోని వారు నూతన భారీ పెట్టుబడులు పెట్టుట మంచిది కాదు. బంగారు ఆభరణాలపై ఋణాలు తీసుకొనుట కూడా మంచిది కాదు. వ్యయ స్థాన గతుడైన శని వలన వడ్డీల వలన భాదపడు సూచనలు అధికంగా ఉన్నవి. తరచుగా శనికి తైలభిషేకలు జరుపుట మంచిది.

కుంభ రాశి వారికి శ్రీ ప్లవ నామ సంవత్సరంలో రాహు – కేతువులు ఇరువురి వలన కుంభ రాశి వారందరూ చక్కటి అనుకూల ఫలితాలు లభించును. ముఖ్యంగా రాజకీయ రంగం లోని వారికి మిక్కిలి ప్రతిష్టాత్మక పదవులు లభింప చేయును. విద్యార్ధులకు కూడా ఆశించిన విధంగా ఉన్నత విద్యావకాశాలు లభింప చేయును. పర దేశ విద్యాలయలందు ప్రవేశం కోసం చేయు ప్రయత్నాలు లాభించును.

ఏప్రిల్ 2021 కుంభరాశి ఫలాలు:

ఈ మాసంలో ధన ఆదాయం ఆశించిన స్థాయిలో ఉండదు. సామాన్య ఫలితాలు ఏర్పడును. అవివాహితులకు వివాహ ప్రయత్నాలలో సఫలత ఏర్పడును. అతిగా ఆలోచించడం వలన చక్కటి అవకాశము లను కోల్పోవుదురు. ఈ మాసంలో వృత్తి వ్యాపారాదులు సామాన్యంగా కొనసాగును. ఈ మాసంలో 9,13,17,23 మరియు 29 తేదీలు అనుకూలమైనవి కావు.

మే 2021 కుంభరాశి ఫలాలు:

ఈ మాసంలో జీవిత భాగస్వామి సంబంధిత ధన లాభములు ఏర్పడును. వారసత్వ పరంగా , ఆర్ధికంగా వృద్ధి ఏర్పడుతుంది. మానసిక ఉల్లాసం లభిస్తుంది. చివరి వారంలో ఉద్యోగంలో తోటివారిచే అవమానములు లేదా అకారణ తగాదాలు వంటి అననుకూలమైన ఫలితాలు ఏర్పడును. మిత్ర వర్గం అండ లభించదు.

జూన్ 2021 కుంభరాశి ఫలాలు:

ఈ మాసంలో సామాన్య వాతావరణం ఏర్పడును. ధనాదాయం సామాన్యం. ఉద్యోగ వ్యాపార పరంగా ఆశించిన స్థాయిలో అభివృద్ది ని పొందుదురు. నూతన వ్యాపార ప్రయత్నాలు విజయవంతం అవుతాయి. గౌరవ ప్రదమైన జీవనం లభిస్తుంది. దగ్గరి బంధువులకు సంబంధించిన అశుభ వార్త వింటారు. ఇష్ట కార్యాలు చివరి నిమిషంలో పూర్తి చేయగలుగుతారు. ఈ మాసంలో నూతన భాద్యతలు తీసుకొనుటకు వెనుకాడవద్దు. ఆవేశానికి గురి అవ్వకుండా నిర్ణయాలు తీసుకొనవలసిన సమయం.

జూలై 2021 కుంభరాశి ఫలాలు:

ఈ మాసంలో శరీర అనారోగ్య పరమైన సమస్యలు, శ్రమానంతర కార్య జయం వంటి సమస్యలు ఎదురగును. ఉద్యోగ జీవనం సామాన్యం. విద్యార్ధులకు మంచి అవకాశములు లభిస్తాయి. నూతన వధూవరులకు సంతాన ప్రాప్తి. ఈ మాసంలో ద్వితీయ వారంలో వ్యక్తిగత జీవనానికి సబందించిన విషయాల్లో స్పష్టత వస్తుంది. తృతీయ వారంలో సామాన్య ఫలితాలు ఏర్పడతాయి. 22 వ తేదీ తదుపరి ధనాదాయంలో పెరుగుదల ఉంది. కుటుంబ అవసరములకు తగిన ధనం సర్దుబాటు చేస్తారు.

ఆగస్టు 2021 కుంభరాశి ఫలాలు:

ఈ మాసం 5,6,7 తేదీలలో కళత్ర సంబంధమైన చికాకులు ఎదురగును. నూతన వ్యవహరాలు ప్రారంభించడానికి ఈ మాసం అనువైన కాలం. వృత్తి వ్యాపారములలో ధనయోగాలు ఉన్నాయి. శుభ సంకల్పములు ఏర్పడును. ఉద్యోగ జీవనంలో సామాన్య ఫలితాలు ఉన్నవి. ఈ మాసంలో 25,26, 27 తేదీలలో కార్య జయం పొందుతారు. మాసాంతంలో క్రమంగా అభివృద్ధి ని సాధిస్తారు. ఆర్దికంశాలు శుభప్రదం అవుతాయి. వివాహ మూలక ప్రయత్నాలకు ఈ మాసం అంత అనుకూలమైనది కాదు.

సెప్టెంబర్ 2021 కుంభరాశి ఫలాలు:

ఈ మాసంలో అంతగా అనుకూలమైన ఫలితాలు ఏర్పడవు. ప్రయాణ సంబంధ చికాకులు ఏర్పడతాయి. జీవిత భాగస్వామి తరపు బందువులకు సంబందించిన అశుభ వార్తలు వినుదురు. కందెన వ్యాపారములు చేయువారికి లాభములు లభిస్తాయి. వివాహ ప్రయత్నములలో సంబంధములు ఖాయం అగును. తృతీయ వారంలో చిన్న అనారోగ్య సూచన లేదా వాహన ప్రమాదం నుండి తప్పించుకొను సంఘటనలు ఏర్పడును. ఈ మాసంలో సాహసోపేతమైన నిర్ణయాలు తీసుకోకూడదు. ధనాదాయం సామాన్యం.

అక్టోబర్ 2021 కుంభరాశి ఫలాలు:

ఈ మాసంలో అకారణంగా మిత్రులతో కలహములు లేదా ఆత్మీయులతో ఎడబాటు ఏర్పడుతుంది. ప్రయత్నములలో ఆటంకములు ఉన్నవి. శ్రమించాలి. ధనాదాయం సామాన్యం. ఒత్తిడిని అధిగమించగలుగుతారు. ఈ మాసంలో 19, 20,21, 22 తేదీలు భూ సంబంధమైన లేదా నూతన గృహ సంబంధమైన ప్రయత్నములలో కదలిక ఏర్పడును. సంతాన సంబంధ ప్రయత్నములు చేయువారికి ద్వితీయ తృతీయ వారములు శుభప్రదం. వ్యాపార రంగంలోని వారికి మిశ్రమ ఫలితాలు ఏర్పడును

నవంబర్ 2021 కుంభరాశి ఫలాలు:

ఈ మాసంలో వ్యపారాదులలో , ఉద్యోగ జీవనంలో ఉత్సాహం లభిస్తుంది. పదోన్నతి పొందడానికి అవకాశాలు ఉన్నవి.. నూతన ఆలోచనలు కార్యరూపం దాల్చును. ప్రభుత్వ సంబంధ ఆటంకములు తొలగును. పోటీదారుల పై విజయం ఏర్పడుతుంది. ఈ మాసంలో 11,12,13,14 తేదీలలో వ్యాపారములు లాభదాయకంగా కొనసాగును. మాసాంతంలో ఉద్యోగ జీవనంలో చక్కటి ఉన్నతి. ఈ మాసం 29,30 తేదీలలో ధనం ఇతరులకు ఇవ్వరాదు.

డిశంబరు 2021 కుంభరాశి ఫలాలు:

ఈ మాసంలో భూ లేదా గృహ సంబంధమైన ధన ప్రాప్తి. సువర్ణ సంబంధమైన లాభము పొందుతారు. కుటుంబ జీవనంలో సంతోషం. ద్రవ్య లాభములు కూడా ఉన్నవి. ఆశించిన రంగంలో విద్యార్ధులకు విజయం వరిస్తుంది. మాస మధ్యమంలో ధర్మ కార్య సంబంధమైన వ్యయం. ఇష్ట దైవ సందర్శన . మిత్రుల సహకారంతో పనులు వేగంగా పూర్తి అవుతాయి. నూతన పెట్టుబడులు పెట్టుటకు మంచి సమయం. అవివాహితులకు వివాహ సంబంధమైన శుభ ఫలితాలు ఉన్నవి.

జనవరి 2022 కుంభరాశి ఫలాలు:

ఈ మాసంలో నూతన పదవులు ప్రాప్తించును. గౌరవ జీవనం. అధికారుల మన్ననలు ఆనందాన్ని కలుగచేస్తాయి. వినోద సంబంధమైన వ్యయం అధికంగా చేస్తారు.ద్వితియ వారంలో సోదరీ వర్గం వారికి ఒక నష్టం లేదా వారి కొరకు ఆందోళన అనుభవిస్తారు. కుటుంబ సభ్యుల మధ్య చర్చలు ఫలవంతం అగును. ధనాదాయం సామాన్యం. వ్యాపారములలో ప్రోత్సాహం ఉండును. ఈ మాసంలో 2,6,15, 26 తేదీలు అంత అనుకూలమైనవి కావు.

ఫిబ్రవరి 2022 కుంభరాశి ఫలాలు:

ఈ మాసం కూడా అనుకూల ఫలితాలు కలుగచేయును. ఆశించిన విధంగా నివాస పరమైన స్థానచలనముకు అవకాశం ఉన్నవి. మాస ప్రారంభంలో కొద్దిపాటి అనారోగ్య సమస్యలు ఎదురైనా ప్రమాదం ఉండదు. సంతాన మరియు బంధు సంబంధమైన వ్యయం కొంచం అధికంగా ఎదురగును. ఈ మాసంలో అదృష్ట ప్రాప్తి ఉంది. కార్య సిద్ధత ఉంది.

మార్చి 2022 కుంభరాశి ఫలాలు:

ఈ మాసంలో గృహంలో శుభకార్య సంబంధ వేడుకలు నిర్వహిస్తారు. సామరస్యంగా సంభాషించాలి. సహా పంక్తి భోజనాలు ఏర్పడతాయి. ముఖ్య కార్యములు పూర్తి చేస్తారు. ఉద్యోగ పరంగా దూర ప్రయాణములు చేయవలసి వచ్చును. ఈ మాసంలో ధనాదాయం సామాన్యం. దూర ప్రాంత విద్య కొరకు చేయు ప్రయత్నములు లాభించును. వంశ పెద్దల ఆశీస్సులు లభిస్తాయి.