Bigg Boss 5 Telugu Sarayu : అందువల్లే సరయూ ఎలిమినేట్‌.. కారణాలు ఇవే..!

Bigg Boss 5 Telugu Sarayu : పంతొమ్మిది మందితో మొదలైన బిగ్ బాస్ సీజన్ ఫైవ్ అప్పుడే మొదటివారం పూర్తి అయిపొయింది. యాంకర్‌ రవి, హమీదా, జెస్సీ, సరయూ, మానస్‌, కాజల్‌ తొలివారం నామినేషన్‌లోకి వెళ్ళగా ఫైనల్ గా సరయూ(Bigg Boss 5 Telugu Sarayu) ఎలిమినేట్ అయింది. బిగ్ బాస్ లో అందర్నీ దమ్‌దమ్‌ చేస్తానన్న ఆమె మొదటి వీక్ లోనే ఎలిమినేట్ అవ్వడం అభిమానులను షాక్ కి గురిచేసింది. ఆమె ఎలిమినేట్‌ అవ్వడానికి కారణాలేంటో ఇప్పుడు చూద్దాం..!

సరయూను మానస్‌, కాజల్‌, వీజే సన్నీ ఈ ముగ్గురు నామినేట్‌ చేశారు. ఒకవేళ వీరిలో ఏ ఒక్కరు ఆమెను నామినేట్‌ చేయకపోయినా ఆమె నామినేషన్‌ జోన్‌లోకి వచ్చేదే కాదు.

ఇక హౌజ్ లో అందరినీ కలుపుకుపోయిన దాఖలాలు కూడా ఎక్కడ కూడా కనిపించలేదు. పోనీ తన పనే తానూ చేసుకుందా అంటే అది లేదు.. అనవసరంగా గొడవ పెట్టుకున్నట్లు అనిపించింది.

ఇక నామినేషన్ లోకి వెళ్ళినప్పుడు మిగతా కంటెస్టెంట్లతో పోటీ అయిన ఉండాలి లేకా స్క్రీన్‌ స్పేస్‌ కోసం ప్రయత్నించాలి కానీ ఈ రెండింటిలోనూ సరియూ వెనకబడింది.

టాస్క్‌ల మీద కన్నా ఇంటి పనుల మీద ఎక్కువగా ఫోకస్ చేసినట్టుగా తెలుస్తుంది.

అటు కెప్టెన్సీ టాస్కులో అయితే హౌస్‌మేట్స్‌ మద్దతు ఇవ్వొచ్చు, డిస్టర్బ్‌ కూడా చేయొచ్చు అని బిగ్‌బాసే స్పష్టంగా చెప్పినప్పటికీ కాజల్‌, విశ్వను ఒక్కడినే టార్గెట్‌ చేయడాన్ని సరయూ సహించలేకపోయింది.
అనవసరంగా ఆమెతో గొడవ పెట్టుకుంది. ఆ గొడవలో మాటలు జారింది.

బిగ్ బాస్ అంటే బుల్లితెర షో .. ఫ్యామిలీ ఆడియన్స్ చూసే షో.. ఆమె బూతులు మాట్లాడడం, హౌజ్ లో స్మోకింగ్ చేయడం చాలామంది తప్పుగా భావించారు. దీనితో ఆమెకి ఓట్లు పడలేదు.